اقوام متحدہ نے پاکستان اور افغان حکومت کی جانب سے عید الفطر کے موقع پر فوجی کارروائیوں میں عارضی وقفے کے فیصلے کا خیرمقدم کیا ہے۔ نیویارک میں اقوام متحدہ کے ہیڈ کوارٹرز میں بریفنگ کے دوران سیکریٹری جنرل کے نائب ترجمان فرحان عزیز حق نے اس پیش رفت کو خوش آئند قرار دیا۔
ترجمان کا کہنا تھا کہ سیکریٹری جنرل پہلے ہی کشیدگی میں کمی اور فوری جنگ بندی کا مطالبہ کر چکے ہیں، لہذا یہ اقدام بین الاقوامی قوانین کے عین مطابق ہے۔ اقوام متحدہ نے امید ظاہر کی ہے کہ عید کے دوران شروع ہونے والا یہ وقفہ مزید طویل کیا جائے گا۔
پاکستان کے وزیر اطلاعات عطا اللہ تارڑ کے مطابق فوجی کارروائیوں میں یہ عارضی وقفہ بدھ کی شب بارہ بجے سے شروع ہو چکا ہے جو 23 مارچ تک جاری رہے گا۔
اس فیصلے کے پس منظر میں ترکیہ، سعودی عرب اور قطر کی جانب سے کی گئی درخواستیں شامل ہیں، جن کے بعد فریقین نے عید کے ایام میں عسکری سرگرمیاں معطل کرنے پر اتفاق کیا۔ اقوام متحدہ نے اس اقدام کو خطے میں کشیدگی کم کرنے کی جانب ایک مثبت قدم قرار دیا ہے۔
کوسٹا ریکا نے ہوانا میں واقع اپنا سفارت خانہ بند کرنے کا اعلان کرتے ہوئے…
لورالائی میں ڈی جی خان روڈ پر پیش آنے والے ایک المناک ٹریفک حادثے میں…
عالمی منڈی میں خام تیل کی قیمتوں میں تین فیصد تک نمایاں کمی واقع ہوئی…
کابل میں افغان حکام نے اعلان کیا ہے کہ عید الفطر جمعرات کے روز منائی…
میئر کراچی بیرسٹر مرتضیٰ وہاب نے بدھ اور جمعرات کی درمیانی شب شہر کے مختلف…
یوکرین سے تعلق رکھنے والی ڈرون ٹیکنالوجی کمپنی سوارمر نے نیس ڈیک پر اپنے پہلے…