امریکی وزیر خارجہ مارکو روبیو بدھ سے جمعہ تک روم کا دورہ کریں گے جس کا مقصد اٹلی اور ویٹیکن کے ساتھ تعلقات کو مستحکم کرنا ہے۔ محکمہ خارجہ کے ترجمان ٹومی پِگٹ کے مطابق اس دورے کا مقصد مشرق وسطیٰ کی صورتحال اور مغربی نصف کرے میں باہمی مفادات پر تبادلہ خیال کرنا ہے۔
یہ دورہ ایسے وقت میں ہو رہا ہے جب امریکی صدر ڈونلڈ ٹرمپ کی جانب سے پوپ لیو پر کڑی تنقید کی گئی ہے۔ ذرائع کے مطابق مارکو روبیو کی جمعرات کو پوپ لیو سے ملاقات متوقع ہے جو تقریباً ایک برس کے دوران کسی امریکی کابینہ رکن کی پوپ سے پہلی بالمشافہ ملاقات ہوگی۔
گزشتہ چند ہفتوں کے دوران پوپ لیو ایران کے خلاف امریکہ اور اسرائیل کی جنگ کے سخت ناقد کے طور پر سامنے آئے ہیں۔ اس سے قبل وہ ٹرمپ انتظامیہ کی تارکین وطن مخالف پالیسیوں پر بھی تنقید کر چکے ہیں۔
صدر ڈونلڈ ٹرمپ نے اپریل میں سوشل میڈیا پر پوپ لیو کو کئی بار تنقید کا نشانہ بنایا اور انہیں خوفناک قرار دیا تھا۔ ٹرمپ نے اٹلی کی جانب سے بھی ایران کے خلاف جنگ پر تنقید کرنے پر ناراضی کا اظہار کیا ہے اور گزشتہ ہفتے دھمکی دی تھی کہ وہ نیٹو کے اس اتحادی ملک سے امریکی فوجیوں کے انخلا پر غور کر سکتے ہیں۔
اطالوی ہم منصبوں کے ساتھ مارکو روبیو کی ملاقاتیں مشترکہ سیکیورٹی مفادات اور تزویراتی ہم آہنگی پر مرکوز رہیں گی۔
جرمنی کے شہر لیپزگ میں پیر کے روز ایک کار سوار نے راہگیروں کو کچل…
راولپنڈی میں پاکستان تحریک انصاف نے اڈیالہ جیل میں قید بانی چیئرمین عمران خان اور…
متحدہ عرب امارات کے اہم آئل انڈسٹری زون میں پیر کے روز ڈرون حملے کے…
متحدہ عرب امارات کے شہر فجیرہ میں واقع آئل انڈسٹری زون میں پیر کے روز…
اسلام آباد میں چیئرمین سینیٹ سید یوسف رضا گیلانی اور پاکستان میں تعینات جمہوریہ قازقستان…
متحدہ عرب امارات کے شہر فجیرہ میں واقع آئل انڈسٹری زون میں پیر کے روز…